2025-ci ildə Geoqazma MMC tərəfindən həyata keçirilmiş layihələrin bir qismi xüsusi təyinatlı obyektlərin – laboratoriyalar, memorial komplekslər, turizm və tədbir mərkəzləri, dini obyektlər kimi texniki və funksional baxımdan mühüm tikililərin layihələndirilməsinə yönəlmişdir. Bu obyektlər yalnız infrastrukturun deyil, həm də cəmiyyətin mədəni, elmi və mənəvi inkişafı baxımından mühüm rol oynayır.

• Xankəndi şəhərində “Qarabağ Regional Müayinə-Sınaq Laboratoriyası” kompleksinin – laboratoriya binası, qazanxana, nasosxana, yanğın və içməli su anbarları daxil olmaqla – layihələndirilməsi işləri aparılmışdır. Layihə çərçivəsində dəqiq mühəndis planlamaları və sahə tədqiqatları həyata keçirilmişdir.

• Cəbrayıl rayonunda, dini-mədəni irsin qorunması məqsədilə iki minarəli Məscid kompleksinin layihələndirilməsi işi görülmüşdür.

• Xocalı şəhərində Xocalı Soyqırımı Memorial Kompleksi – qazanxana, içməli və yanğın su anbarları, nasosxana ilə birlikdə – layihələndirilmişdir. Bu kompleks, həm funksional, həm də xatirəvi mahiyyət daşıyır.

• Xocavənd rayonu, Hadrut qəsəbəsində isə 2 mərtəbəli Tədbir Mərkəzi və 2 mərtəbəli Turizm İnformasiya Mərkəzi layihələndirilmişdir ki, bu da bölgədə sosial və turizm infrastrukturunun bərpasına xidmət edir.

Geoqazma MMC bu layihələr çərçivəsində mühəndis-geoloji tədqiqatlar, ərazinin dayanıqlılıq təhlili, topoqrafik ölçmələr və tikinti uyğunluğu ilə bağlı qiymətləndirmələr aparmışdır.