Geoqazma MMC 2023-cü ildə texniki infrastrukturun və sənaye obyektlərinin layihələndirilməsində əsas rol oynamışdır. Bu layihələr ölkənin azad olunmuş ərazilərində iqtisadi dirçəlişi və sənaye fəaliyyətlərinin bərpasını hədəfləyən mühüm təşəbbüsləri əhatə edirdi. Tikintisi nəzərdə tutulan inzibati binalar, silo anbarları, tərəzi sahələri, bazar və ticarət obyektləri, istehsalat sahələri və digər sənaye infrastrukturunun planlaması üçün ətraflı mühəndis-geodeziya və geoloji tədqiqatlar aparılmışdır.

• Cəbrayıl rayonu, Araz Vadisi İqtisadi Zonası – 1 mərtəbəli inzibati bina, 6 ədəd silo və tərəzi sahəsinin layihələndirilməsi məqsədilə ərazi üzrə torpaq qatları və geoloji uyğunluq təhlil edilmişdir.

• Zəngilan rayonu, Ağalı kəndi – 1 mərtəbəli istehsalat obyektlərinin və ictimai tövlələrin yerləşdirilməsi üçün geodeziya və topoqrafik ölçmələr aparılmışdır.

• Zəngilan şəhəri – şəhər girişində böyük həcmli istehsalat və anbar komplekslərinin (müxtəlif mərtəbəli binalar, yataqxanalar, dayanacaqlar və inzibati binalar) yerləşdirilməsi üçün sahənin planlanması və geoloji araşdırmalar icra edilmişdir.

Bu layihələr nəticəsində həmin bölgələrdə sənaye fəaliyyətlərinin başlaması üçün texniki və mühəndisi cəhətdən tam təminat yaradılmışdır.