Geoqazma MMC 2023-cü ildə azad olunmuş ərazilərdə müasir, davamlı və yaşayış üçün əlverişli kənd və şəhər infrastrukturunun qurulması istiqamətində mühüm layihələrdə iştirak etmişdir. Bu layihələr çərçivəsində fərdi yaşayış evləri, çoxmərtəbəli binalar və əlavə ictimai obyektlərin yerləşdirilməsi üçün müfəssəl mühəndis-geodeziya və geoloji tədqiqatlar aparılmışdır.

• Füzuli rayonunun Pirəhmədli kəndi – kənd yaşayış məntəqəsinin tamamilə yenidən qurulması məqsədilə torpaq strukturlarının və ərazinin planlaması üzrə araşdırmalar aparılmışdır.

• Laçın rayonunun Güləbird kəndi – kəndin müasir standartlara uyğun bərpası üçün mühəndis-geodeziya və topoqrafik tədqiqatlar icra olunmuşdur.

• Şuşa şəhəri, D-3 massivi və əlavə ərazilər – şəhər daxilində çoxsaylı fərdi və çoxmərtəbəli yaşayış binalarının tikintisi üçün ərazinin relyef və torpaq vəziyyəti analiz edilmişdir.

• Zəngilan rayonunun Ağalı və Cahangirbəyli kəndləri, Zəngilan şəhəri – fərdi evlərin, ticarət və qeyri-yaşayış binalarının, eyni zamanda infrastruktur obyektlərinin yerləşdirilməsi üçün torpaq dayanıqlılığı və geodeziya xəritələşdirmə işləri həyata keçirilmişdir.

Bu layihələr çərçivəsində aparılmış elmi əsaslı tədqiqatlar, ərazilərin davamlı şəkildə inkişaf etdirilməsi və sakinlər üçün təhlükəsiz yaşayış mühitinin təmin olunmasına xidmət etmişdir.