Sarıcalı kəndinin layihələndirilməsi Qarabağın bərpa proqramı çərçivəsində həyata keçirilən mühüm planlaşdırma işlərindən biridir. 2022-ci ildə başlanan bu layihə kəndin dayanıqlı infrastruktura malik yaşayış məntəqəsi kimi yenidən qurulmasını hədəfləyir. Tikinti və inkişaf proseslərinin uğurla icra olunması üçün əraziyə dair hərtərəfli mühəndis və təbii təhlillər vacib idi.

Geoqazma şirkəti layihə çərçivəsində kənd ərazisində geodeziya və topoqrafik ölçmə işlərini, qruntların mühəndis-geoloji tədqiqatlarını və hidrogeoloji analizləri yerinə yetirmişdir. Ərazinin relyef quruluşu, qruntun fiziki-mexaniki xüsusiyyətləri və su resurslarının vəziyyəti müəyyən olunmuşdur. Bu göstəricilər kəndin planlaşdırılmasında və tikinti zonalarının düzgün təyin edilməsində əsas rol oynamışdır.

Yüksək dəqiqlikli GNSS avadanlıqları və pilotsuz uçuş vasitələri ilə aparılan ölçmə işləri nəticəsində müasir rəqəmsal xəritələr hazırlanmış, layihə sənədlərinə əsas təşkil edən mühüm məlumat bazası formalaşdırılmışdır. Geoqazma-nın bu sahədəki təcrübəsi kəndin təhlükəsiz və davamlı inkişafına texniki zəmin yaratmışdır.